ఐ. పోలవరం ఆగస్ట్30 ( జియస్ బి వార్త రిపోర్టర్ వేణు కాశి) కేశనకుర్రుపాలెం జై బుద్ధ నగర్కు చెందిన చిన్నారి నేరేడిమెల్లి శివాన్షి రెండో జన్మదిన వేడుకలను ప్రభుత్వ విప్, ముమ్మిడివరం ఎమ్మెల్యే దాట్ల సుబ్బరాజు ఆప్యాయంగా నిర్వహించారు.
ఈ సందర్భంగా చిన్నారి శివాన్షికి జన్మదిన శుభాకాంక్షలు తెలియజేసి, ఆమె తల్లిదండ్రులు నేరేడిమెల్లి శిరీష, నేరేడిమెల్లి నరేష్లతో కలిసి ఆనందంగా వేడుకల్లో పాల్గొన్నారు.
చిన్న వయసులోనే ప్రత్యేక ఆరోగ్య సవాళ్లను ఎదుర్కొంటున్న శివాన్షి ధైర్యంగా, ఆరోగ్యంగా ఎదగాలని దాట్ల సుబ్బరాజు ఆకాంక్షించారు. కుటుంబ సభ్యుల ప్రేమాభిమానాల మధ్య ఆమె జీవితం ఆనందం, ఆశలు, సంతోషాలతో నిండిపోవాలని కోరుకున్నారు.
భవిష్యత్తులో చిన్నారి శివాన్షి అనుకున్న ప్రతి కల సాకారం కావాలని, మంచి ఆరోగ్యంతో ఉజ్వలమైన భవిష్యత్తును అందుకోవాలని మనస్ఫూర్తిగా శుభాకాంక్షలు తెలిపారు. ఈ సందర్భంగా చిన్నారి పట్ల దాట్ల సుబ్బరాజు చూపిన ఆప్యాయత కుటుంబ సభ్యులను ఎంతో ఆనందానికి గురి చేసింది.