తుఫాన్ బీభత్సం.. రహదారులపై భారీ వృక్షాలు! సీఐ మోహన్ కుమార్ పర్యవేక్షణలో సహాయక చర్యలు.. రంగంలోకి దిగిన ఎస్సై శివకృష్ణ, పోలీసు సిబ్బంది ముమ్మిడివరం, అక్టోబర్ 28 (జీఎస్‌బీ వార్త): తుఫాన్ ప్రభావంతో వీచిన బలమైన ఈదురుగాలులకు భారీ వృక్షాలు నేలకొరిగి రహదారులకు అడ్డంగా పడటంతో రాకపోకలకు అంతరాయం ఏర్పడింది. ఈ నేపథ్యంలో ముమ్మిడివరం సీఐ మోహన్ కుమార్ పర్యవేక్షణలో ఎస్సై శివకృష్ణ, పోలీసు సిబ్బంది తక్షణమే స్పందించి సహాయక చర్యలు చేపట్టారు. యుద్ధప్రాతిపదికన చెట్ల తొలగింపు రహదారులపై అడ్డంగా పడిన భారీ చెట్లను కట్ చేయించి, జేసీబీ యంత్రాల సహాయంతో తొలగించే చర్యలు చేపట్టారు. వాహనదారులు, ప్రయాణికులకు ఇబ్బందులు కలగకుండా రహదారులను త్వరితగతిన క్లియర్ చేసేందుకు పోలీసులు చర్యలు చేపట్టారు. ప్రజల భద్రతే లక్ష్యంగా పోలీసుల చర్యలు తుఫాన్ కారణంగా ఏర్పడిన విపత్కర పరిస్థితుల్లో ప్రజలకు ఇబ్బందులు కలగకుండా, రహదారులపై రాకపోకలను పునరుద్ధరించేందుకు పోలీసులు చొరవ చూపారు. సీఐ మోహన్ కుమార్ పర్యవేక్షణలో పోలీసు సిబ్బంది చేపట్టిన తక్షణ చర్యలతో రహదారులపై అడ్డంకుల తొలగింపునకు చర్యలు కొనసాగుతున్నాయి.