అమలాపురం, అక్టోబర్ 24 (జీఎస్‌బీ వార్త, రిపోర్టర్ వేణు కాశి):
అమలాపురం మున్సిపాలిటీలోని 8వ, 10వ వార్డుల్లో వైఎస్సార్ కాంగ్రెస్ పార్టీ అభ్యర్థులు కల్వకొలను ఉమ, యర్రంశెట్టి లలిత శనివారం ఎన్నికల ప్రచారం నిర్వహించారు. ఆయా వార్డుల్లో పార్టీ నాయకులు, కార్యకర్తలతో కలిసి ఇంటింటికీ వెళ్లి ప్రచారం చేపట్టారు. ఈ సందర్భంగా స్థానికులతో మమేకమై తమ అభ్యర్థులకు మద్దతు కోరారు.
ఈ ప్రచార కార్యక్రమంలో వైఎస్సార్ కాంగ్రెస్ పార్టీ కార్యదర్శి వంటెద్దు వెంకన్నాయుడు, నల్లా ప్రసాద్, చీకట్ల చిన్న, వాండ్రపు లక్ష్మణరావు, పితాని త్రిమూర్తులు, యర్రంశెట్టి ప్రసాద్, కొత్తపల్లి వంశీ, సానబోయిన ప్రసాద్, అన్యం సత్తిబాబు తదితరులు పాల్గొన్నారు.
