18వ రోజు సమ్మెలోనూ తగ్గని నిరసన
‘చెవిలో పువ్వు’తో వీఆర్ఏల వినూత్న ఆందోళన
ఐ.పోలవరం, అక్టోబర్ 3 (జీఎస్‌బీ వార్త, రిపోర్టర్ వేణు కాశి):
డాక్టర్ బి.ఆర్. అంబేద్కర్ కోనసీమ జిల్లా ఐ.పోలవరం మండలంలో గ్రామ రెవెన్యూ సహాయకుల నిరవధిక సమ్మె 18వ రోజుకు చేరుకుంది. తమ సమస్యలను ప్రభుత్వం వెంటనే పరిష్కరించాలని డిమాండ్ చేస్తూ వీఆర్ఏలు వినూత్న రీతిలో నిరసన చేపట్టారు.
సమ్మెలో భాగంగా ‘చెవిలో పువ్వు’ కార్యక్రమాన్ని నిర్వహించి ప్రభుత్వానికి తమ నిరసనను తెలియజేశారు. తమ సమస్యలను ప్రభుత్వం పట్టించుకోవడం లేదనే నిరసనకు ప్రతీకగా ఈ కార్యక్రమాన్ని చేపట్టినట్లు వీఆర్ఏలు తెలిపారు.
రోజులు గడుస్తున్నా తమ సమస్యలకు పరిష్కారం లభించకపోవడంతో వీఆర్ఏలు ఆందోళన వ్యక్తం చేస్తున్నారు. ప్రభుత్వం తమ సమస్యలపై సానుకూలంగా స్పందించి, న్యాయమైన డిమాండ్లను పరిష్కరించాలని కోరుతున్నారు.
తమ సమస్యలకు శాశ్వత పరిష్కారం లభించే వరకు ఆందోళన కొనసాగిస్తామని వీఆర్ఏలు స్పష్టం చేశారు.
